"എന്റെ ഒപ്പം അമ്മയും ഇന്റർവ്യൂവിന് വരും!": ഇന്റർവ്യൂ മുറികളെ ഞെട്ടിച്ച അവിശ്വസനീയ അനുഭവങ്ങൾ

കോർപ്പറേറ്റ് ഓഫീസുകളിലെ ഇന്റർവ്യൂ മുറികൾ എപ്പോഴും ഗൗരവമുള്ള സ്ഥലങ്ങളായാണ് കരുതപ്പെടുന്നത്. എന്നാൽ ചിലപ്പോഴൊക്കെ അവിടെ നടക്കുന്നത് സിനിമകളെപ്പോലും വെല്ലുന്ന തരത്തിലുള്ള നാടകീയവും രസകരവുമായ സംഭവങ്ങളാണ്. ഉദ്യോഗാർത്ഥികളുടെ അമിത ആത്മവിശ്വാസവും റിസ്യൂമിലെ അസത്യങ്ങളും പലപ്പോഴും വലിയ ചിരിവിരുന്നുകൾക്ക് വഴിതുറക്കാറുണ്ട്.

ഈയിടെ ഒരു പ്രമുഖ ഐടി കമ്പനിയിലെ റിക്രൂട്ടർ പങ്കുവെച്ച സംഭവം കൗതുകകരമാണ്. രണ്ടു വർഷം മാത്രം പഴക്കമുള്ള ഒരു സാങ്കേതികവിദ്യയിൽ പത്തു വർഷത്തെ പരിചയസമ്പത്തുണ്ടെന്ന് അവകാശപ്പെട്ടാണ് ഒരു ഉദ്യോഗാത്ഥി അപേക്ഷ അയച്ചത്. ഇന്റർവ്യൂ പാനൽ ഇത് ചൂണ്ടിക്കാണിച്ചപ്പോൾ "ഞാൻ ദിവസം 24 മണിക്കൂറും ജോലി ചെയ്യുന്നതുകൊണ്ടാണ് ആ കണക്ക് പറഞ്ഞത്" എന്നായിരുന്നു അദ്ദേഹത്തിന്റെ മറുപടി. സാങ്കേതിക ഇന്റർവ്യൂകളിൽ ഇത്തരം തമാശകൾ പതിവായി മാറുകയാണ്.

Read nextകാമുകിക്ക് വേണ്ടി കൂട്ടുകാരെ ഉപേക്ഷിച്ചില്ല; പ്രണയബന്ധത്തിൽ പുതിയ വിവാദം!

ഓൺലൈൻ ഇന്റർവ്യൂകൾ സജീവമായതോടെ അട്ടിമറികളും വർദ്ധിച്ചിട്ടുണ്ട്. തത്സമയ അഭിമുഖങ്ങൾക്കിടെ ക്യാമറയ്ക്ക് പിന്നിൽ നിന്ന് ആളുകൾ ഉത്തരങ്ങൾ പറഞ്ഞു കൊടുക്കുന്നതും, എഐ ചാറ്റ്ബോട്ടുകൾ ഉപയോഗിച്ച് മറുപടി നൽകാൻ ശ്രമിക്കുന്നതും പെട്ടെന്ന് തന്നെ പിടിക്കപ്പെടുന്നു. ഇന്റർവ്യൂവിനിടെ കുടുങ്ങുമെന്നായപ്പോൾ വൈഫൈ കണക്ഷൻ തരാറിലായി എന്ന് നടിച്ച് ഇറങ്ങിപ്പോയ കഥകളും കുറവല്ല.

മറ്റൊരു സംഭവത്തിൽ സാങ്കേതിക റൗണ്ടിലേക്ക് തന്റെ അമ്മയുമായാണ് 25 വയസ്സുകാരനായ ഉദ്യോഗാർത്ഥി എത്തിയത്. കഠിനമായ കോഡിംഗ് ചോദ്യങ്ങൾ ചോദിച്ചപ്പോൾ "എന്റെ മകന് സ്ട്രെസ് താങ്ങാൻ കഴിയില്ല, ചോദ്യങ്ങൾ ലളിതമാക്കൂ" എന്ന് അമ്മ ആവശ്യപ്പെട്ടത് പാനലിനെ അമ്പരപ്പിച്ചു കളഞ്ഞു. തൊഴിൽ രംഗത്ത് പ്രൊഫഷണലിസം കുറയുന്നതിന്റെ തെളിവാണ് ഇതെന്നാണ് ഒരു കൂട്ടർ അഭിപ്രായപ്പെട്ടത്.

Your brand, right here.Reach story-obsessed listeners in 45+ languages → advertise on Avonetics

അതേസമയം, എച്ച്ആർ പാനലിന്റെ ചോദ്യങ്ങളും കുറഞ്ഞതല്ല. "നിങ്ങൾ ഒരു മൃഗമായിരുന്നെങ്കിൽ ഏതാകുമായിരുന്നു?" എന്ന തരത്തിലുള്ള അർത്ഥശൂന്യമായ ചോദ്യങ്ങൾ ചോദിച്ച് ഉദ്യോഗാർത്ഥികളെ ബുദ്ധിമുട്ടിക്കുന്ന രീതിക്കെതിരെയും വിമർശനം ഉയരുന്നുണ്ട്. ഇത്തരം സ്ട്രെസ് ചോദ്യങ്ങൾ പ്രായോഗിക കഴിവുകൾ അളക്കാൻ സഹായിക്കില്ല എന്ന് ഒരു മുൻ എച്ച്ആർ ഉദ്യോഗസ്ഥൻ അഭിപ്രായപ്പെട്ടു.

ഈ രസകരമായ അനുഭവങ്ങളും അതിനു പിന്നിലെ കോർപ്പറേറ്റ് മനശാസ്ത്രവും ഞങ്ങളുടെ അവതാരകർ 'ക്യൂബിക്കിൾ ഡയറീസ്' പോഡ്കാസ്റ്റിൽ വിശദമായി പങ്കുവെക്കുന്നുണ്ട്.