15 അടി പൊക്കമുള്ള പീപ്പ തകർന്നു, നഗരത്തിൽ 14 ലക്ഷം ലിറ്റർ മദ്യപ്പുഴ! ലണ്ടനെ വിറപ്പിച്ച വിചിത്ര ദുരന്തം!

1814 ഒക്ടോബർ മാസത്തിലെ ഒരു സാധാരണ വൈകുന്നേരം. ലണ്ടനിലെ ടോട്ടൻഹാം കോർട്ട് റോഡിലുള്ള ഹോർസ് ഷൂ ബ്രൂവറിയിൽ തൊഴിലാളികൾ പണിയിലായിരുന്നു. അവിടെയുണ്ടായിരുന്ന കൂറ്റൻ മരപ്പീപ്പയിൽ ഏകദേശം 14 ലക്ഷത്തിലധികം ലിറ്റർ പോർട്ടർ ബിയർ പതഞ്ഞുപൊന്തിക്കൊണ്ടിരിക്കുകയായിരുന്നു. പെട്ടെന്നാണ് പീപ്പയെ മുറുക്കി നിർത്തിയിരുന്ന കൂറ്റൻ ഇരുമ്പ് വളയങ്ങളിലൊന്ന് പൊട്ടിത്തെറിച്ചത്. അധികൃതർ ഇത് കാര്യമാക്കിയില്ലെങ്കിലും, തൊട്ടടുത്ത നിമിഷത്തിൽ വലിയൊരു ബോംബ് സ്ഫോടനത്തിന് സമാനമായ ശബ്ദത്തോടെ ആ പീപ്പ തകർന്നു വീണു.

ഉയരത്തിൽ കെട്ടിപ്പൊക്കിയ കൂറ്റൻ ടാങ്ക് തകർന്നതോടെ അതിനുള്ളിലുണ്ടായിരുന്ന മദ്യം 15 അടി ഉയരത്തിൽ തിരമാലയായി തെരുവിലേക്ക് കുതിച്ചെത്തി. തൊട്ടടുത്തുള്ള മദ്യപീപ്പകളെക്കൂടി തകർത്തുകൊണ്ട് ബിയർ പ്രളയം നഗരത്തിലെ ഇടുങ്ങിയ ചേരികളിലേക്ക് ഇരച്ചുകയറി. ഭിത്തികൾ തകർന്നു, കെട്ടിടങ്ങളുടെ ബേസ്‌മെന്റുകളിൽ വെള്ളം കയറി. കട്ടിലിൽ ഉറങ്ങിക്കിടന്ന കുട്ടികളും, അടുക്കളയിൽ ജോലി ചെയ്തിരുന്ന സ്ത്രീകളും ഈ ബിയർ തിരമാലയിൽ പെട്ടുപോയി.

Read nextനൃത്തം ചെയ്ത് മരിച്ച നൂറുകണക്കിന് മനുഷ്യർ! 1518-ലെ സ്ട്രാസ്ബർഗ് ദുരന്തത്തിന്റെ ഞെട്ടിക്കുന്ന സത്യം

ലണ്ടൻ ചരിത്രത്തിലെ ഏറ്റവും അവിശ്വസനീയമായ ഈ ദുരന്തത്തിൽ എട്ട് നിരപരാധികളാണ് കൊല്ലപ്പെട്ടത്. തെരുവുകളിൽ അക്ഷരാർത്ഥത്തിൽ മദ്യപ്പുഴ ഒഴുകി. ദുരന്ത വിവരം അറിഞ്ഞ് ജനങ്ങൾ പാത്രങ്ങളുമായി വന്ന് ബിയർ കോരിയെടുത്തു എന്നൊക്കെ അക്കാലത്ത് വാർത്തകൾ വന്നിരുന്നെങ്കിലും, അതൊരു വംശീയ അധിക്ഷേപം മാത്രമായിരുന്നുവെന്ന് പിന്നീട് വ്യക്തമായി. ദരിദ്രരായ അയർലൻഡ് കുടിയേറ്റക്കാരായിരുന്നു കൊല്ലപ്പെട്ടവരിൽ ഭൂരിഭാഗവും.

ഏറ്റവും ദാരുണമായ കാര്യം കോടതി കേസ് പരിഗണിച്ചപ്പോൾ ഇതൊരു 'ദൈവിക ദുരന്തം' ആണെന്ന് വിധി എഴുതുകയും, കമ്പനിക്ക് യാതൊരു ശിക്ഷയും നൽകതിരിക്കുകയും ചെയ്തു എന്നതാണ്. കേടുപാടുകൾ സംഭവിച്ച ബിയറിന്റെ നികുതി പോലും സർക്കാർ മദ്യശാലയ്ക്ക് തിരികെ നൽകി! വ്യവസായ സുരക്ഷാ നിയമങ്ങളിൽ വൻ മാറ്റങ്ങൾക്ക് വഴിവെച്ച ഈ വിചിത്ര സംഭവത്തിന്റെ പിന്നാമ്പുറങ്ങൾ പോഡ്‌കാസ്റ്റിലൂടെ കൂടുതൽ അറിയാം.