न सांगता, न बोलता ऑफिसातून बाहेरचा रस्ता? 'क्वायट फायरींग' नावाच्या सुप्त छळाची धक्कादायक सत्यता!

कॉर्पोरेट विश्वात सध्या एका नव्या शब्दाने धुमाकूळ घातला आहे, तो म्हणजे 'क्वायट फायरींग'. वरवर पाहता हा प्रकार खूप सामान्य वाटतो, पण हा कर्मचाऱ्यांच्या मानसिक आरोग्याशी खेळणारा एक अत्यंत क्रूर खेळ आहे. यात कंपनी तुम्हाला थेट कामावरून काढत नाही, तर तुमचे अस्तित्वच नाकारायला सुरुवात करते, जेणेकरून तुम्ही स्वतःच वैतागून राजीनामा पत्र लिहून द्यावे.

अशाच एका पीडित कर्मचाऱ्याने आपली कहाणी शेअर करताना सांगितले की, 'माझ्या बॉसने मला सर्व मुख्य ग्रुप चॅट्समधून बाहेर काढले. जेव्हा मी कामाबद्दल विचारायचो, तेव्हा तो मला नंतर बोलू असे सांगून टाळायचा. मला ऑफिसात असूनही नसल्यासारखे वाटू लागले.' हा अनुभव वाचून अनेकांनी सहभूती दर्शवली आणि हा प्रकार प्रत्येक तिसऱ्या कंपनीत घडत असल्याचा दावा केला.

Read nextबॉसाच्या अहंकरा मुखार इंजिनिअरान सोडलो हुस्कटो: मागीर जाली व्हड भानगड!

काही तज्ज्ञांच्या मते, कंपन्या असा छुपा मार्ग अवलंबतात कारण त्यांना कर्मचाऱ्यांना काढल्यानंतर द्यावी लागणारी मोठी रक्कम वाचवायची असते. 'हा सरळ सरळ मानवी हक्कांचे उल्लंघन आहे,' असे एका सामाजिक कार्यकर्त्याने म्हटले आहे. तर काही एचआर प्रोफेशनल्सचे म्हणणे आहे की, कधीकधी कर्मचाऱ्याची कामगिरी खराब असल्यास आणि त्याला थेट सांगणे कठीण असल्यास मॅनेजर्स अप्रत्यक्षपणे हा मार्ग निवडतात.

पण कारण काहीही असले, तरी हा प्रकार कामगारांच्या आत्मविश्वासाचा बळी घेणारा ठरतो. तुम्हीही अशाच कोणत्या परिस्थितीचा सामना करत आहात का? तुमच्या ऑफिसातही असा छळ होतोय का?

या अत्यंत गंभीर आणि तितक्याच महत्त्वाच्या विषयावर अनघा आणि शांताराम यांनी 'कामाची भानगड' पॉडकास्टमध्ये मनमोकळी आणि सडेतोड चर्चा केली आहे. हा भाग ऐकायला विसरू नका!